U gruppu Attallà hè natu da a vulintà cumuna di una manata d’amici di l’Alta-Rocca è di Taravu chì vulianu cantà, di sicuru, ma soprattuttu vulintà di dà vita à una certa idea di cultura è di lingua di u so paese. Una lingua bella è dilicata, antica ma muderna à u listessu tempu, cù u spiritu pueticu ancoratu in u so core, u fruttu maturatu di a musa di pueti assaggiati cum’è Ceccè Lanfranchi, Alain Di Meglio è tanti altri di grande rinumata. L'origine di u so nome vene da u fattu chì u gruppu prova ogni settimana in Santa Lucia di Tallano, è più precisamente à u vechju cunventu San François. Nant'à stu situ fù alzatu à u Medievu, u castellu di Rinucciu di a Rocca, signore di a pieve d'Attallà, chì regnava nantu à a Corsica.